【小毛病梗有啲】坦承與利孝和夫人少接觸 陳志雲:我冇聽到有咩問題
施南生演藝學院嘉賓主持利孝和夫人鮑起靜何超瓊余安安陳志雲
陳志雲(右二)出席施南生(左三)的座談會,同場仲有何超瓊(左二)等。
施南生今日喺演藝學院舉行《與施南生對話》影藝座談會,陳志雲擔任嘉賓主持人,同場仲有余安安、鮑起靜、何超瓊等。
陳志雲表示同施南生有段淵源,當年因爲被施南生指身形肥胖,佢話:「對自己身體都管理唔好,點管理工作?於是我就減肥,今日咁樣都係拜佢所賜。」佢又大讚施南生嘅溝通技巧好叻,能夠將難聽嘅話說講成好悅耳,仲大爆就連俞琤遇到難題都會請教施南生,陳志雲話:「原本今日要排戲《主席萬歲萬萬歲》,但佢搵到我,我就將排戲時間推去夜晚。」佢指今次嘅劇本有少少改動,仲透露「人妻」胡琳喺戲中會錫佢,笑指自己今次係壯烈犧牲,第一次同女仔親吻。
對於今日突然傳出利孝和夫人身體出現狀況(新聞連結: https://bit.ly/2F2RKx6 ),陳志雲透露消息傳出後,曾向友人問過:「我同利太最近冇乜點接觸,但我都有關心佢嘅狀況,據我理解,佢喺屋企,唔係喺醫院,冇乜事,我冇聽到有咩問題。」講到利太近年好少參與無綫嘅大型活動,陳志雲表示:「年紀大,身體一定有小毛病,不過我冇聽過咩大問題。」
精選娛聞,喺晒《娛果》
http://fb.com/appledailyent