【表演跳芭蕾】林恬兒讚女有婆婆風範 黃婉曼冇時間追仔
謝玲玲黃婉曼林恬兒
林恬兒(Emily)與老公何正德,今日帶同女兒出席君悅酒店舉行的香港芭蕾舞團「胡桃夾子慈善午宴」,女兒在活動上表演芭蕾舞,婆婆謝玲玲亦有到場觀看孫女演出。
謝玲玲與林建岳所生的女兒林恬兒,同樣從小學習芭蕾舞,謝玲玲說:「我同恬兒都有學芭蕾舞,見到孫女跳好開心,孫女好似我細個,睇到孫女孫仔就開心,佢哋好得意好乖,我有同孫女一齊跳,又偷偷畀佢睇我細個時表演嘅片,佢媽咪唔畀佢哋睇電視同手機㗎。」
今日未見Emily爸爸林建岳及老爺何柱國來捧孫女場,Emily透露聖誕會一家人和老爺奶奶到美國過白色聖誕。對於女兒表演芭蕾舞,Emily說:「囡囡表演有婆婆(謝玲玲)風範,阿女有少少緊張,我細個時都有跳,但而家唔會督促小朋友,最緊要小朋友鍾意。」對於女兒有沒有跳舞天份,Emily笑言:「每個媽咪都覺得自己小朋友有天份,有冇成就唔需要,係一個興趣,開心就可以。」Emily指大仔轉眼已5歲,正常男孩嗜好,所以今年聖誕禮物容易安排。
另外,黃婉曼(Icy)帶同兩歲大的大女到場欣賞演出,Icy說:「女兒好怕醜,畀佢嚟感受吓,佢返預備班都要成個鐘熱身,反而妹妹鍾意笑。」問到兩女之母的Icy有否追仔計劃,她說:「未有,而家好攰冇時間,細女7個月大,要多啲時間陪佢。」
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 黃婉曼表示現時要照顧7個月大的細女很累,故未有時間追仔。