游學修表示年多前拍《哪》片認識蘇麗珊,不過至數個月前兩人才正式開始拍拖,他說:「由始至終都鍾意佢,邊個唔鍾意佢啫,你(問蘇麗珊)鍾意唔鍾意我呀?」身旁的蘇麗珊被男友逗得大笑說:「彭盛華(游學修戲中角色)對我咁好點會唔鍾意。現實中佢好好笑,係好多人嘅男神嚟㗎。」
問到交往經過,游學修即乘機替活動宣傳說:「趁住今日都呼籲吓,年輕人要談戀愛記得安全性行為,預防愛滋病。」他大讚女友是女神級,正式拖手是數月前的事,他說:「蘇麗珊係好難高攀,可以拖手仔係一個榮幸。」導演黃修平接受電話訪問時承認,在個多月前知道二人拍拖,他說:「當時反應咪『哦』,其實都睇到嘅,同戲裏嘅結局一樣。不過我教好多學生都係拍拖。撮合咗佢哋,都係啩。」
另外,在每次謝票的觀眾提問環節,每每問到蘇麗珊戲中喜歡的人是游學修還是吳肇軒時,她都會跟觀眾觀點相反選擇游學修,原來當時已經露了玄機。而《哪》截至前日票房累計989萬元。
採訪:王連連
攝影:陳俊強、羅德光