立法會補選結束後，政界聚焦姚松炎九西敗選原因，不同人士各有分析，但有民主派人士稱更關注姚松炎落敗對將來新東、九西補選有何啟示，特別是政界普遍相信，被DQ立會議席的劉小麗很大機會參加下次九西補選，而劉小麗在上次立會大選中，不論政治定位、選舉方式與姚十分相似，「究竟下一個補選應該點搞，先係眼前最逼切問題」。
該民主派人士指綜合坊間不同分析，大體上不同人士也同意，面對一個變相單議席單票制、多長者、基層市民的選區，單靠宣傳政治理念、講中產關注議題，不足以動員所有民主派支持者投票，「呢種選舉模式喺比例代表制下贏一個位就得，單對單同建制決戰就唔夠贏」；又指地區工作、直接同選民接觸、元老級政治明星站台在這些選區仍有催票效力，「區諾軒喺最後一個星期，出動馬丁（李柱銘）、陳太（陳方安生）、Audrey（余若薇）、楊森拉票，多多少少拉到唔少年長民主派支持者投票」。

須思考避免Plan B紛爭

他說若下次補選由長毛梁國雄出戰新東、劉小麗出戰九西，「民主派唔擔心長毛，佢喺新東咁多年，根基深厚」，但劉小麗與姚松炎類型相似，「如果佢用姚松炎模式搞選舉，真係令人擔心」，就算主流民主派背後幫她搞選舉工程，「小麗肯唔肯聽主流民主派講，做啲佢覺得老套嘅助選拉票工作？又係另一問題」。
另一民主派中人說，民主派還要思考今次九西初選，姚的Plan B也搞到「一鑊粥」，若劉小麗參選，相信不會有民主派與她競爭，但她同樣有被DQ參選資格風險，「咁點樣搵定Plan B，但又如可避免有紛爭？」

季陶
周一、三、五刊出