當年今日
關於我們

  橋王屢被抦 做到冇晒癮
  許仕仁傳聞劈炮三版本 - 李八方

蘋果日報 2002/01/15 00:00


強積金管理局開檔到𠵱家,成績都算唔錯,社會認受性亦愈來愈高。
不過,八方最近風聞,素有「橋王」之稱嘅積金局行政總監許仕仁,做到冇乜癮,好可能會劈炮唔撈。
四百幾萬年薪兼袋硬等同薪金兩成嘅花紅,家吓經濟唔好,肥佬許因乜事要走呢?坊間流傳以下三個版本。
版本一:正正因為經濟唔好,班商家佬周不時透過財神爺施壓,希望停供強積金,肥佬許一手湊大成個計劃,幾經籌劃由政府過檔做埋掌舵人,俾人咁搞,當然唔高興。
版本二:肥佬許唔鍾意大家成日鬧佢人工高,回想當日做官時,幾乎可以坐到財爺個位,睇翻轉頭,紆尊降貴做個小小行政總監,攞嗰幾十萬花紅都俾人眼紅,條氣認真唔順。
版本三:肥佬許有好路數,薪高糧準兼且唔使受氣。
邊個版本至真?許老兄噚日唔肯聽電話,聰明嘅讀者可以自己諗諗。
(圖)許仕仁傳將離開強積金管理局。


E-mail:[email protected]