一年復始，香港車壇顯現無限生機；事關嚟緊會有不少新車在港推出，當中又以本田新一代迷你車王嘅Fit最受關注。雖然代理響去年，落實今年初引入呢部人氣小車之後，同級對手嘅豐田Echo，即推出2002年新款預售搶客，但看來本田方面未有分毫打亂計劃。
皆因亞Mark最近收到風，話香港代理早已響本田廠方，訂購咗首批三百部Fit新車，可見佢哋對部迷你車有幾大信心呢！由於數量有番咁上下，所以預期呢部Fit響香港推售，定價可望於10萬上落，自動波版嘅Fit，或許會較同級Echo更吸引都唔定㗎；若然首批新車售罄的話，代理大有機會提升Fit嘅車價，所以對Fit有興趣嘅朋友，屆時就真係有買趁手喇！