港大校長徐立之好少講佢同太太嘅戀愛史,車淑梅喺佢個節目《舊日的足跡》問起佢同太太係咪青梅竹馬,佢第一反應係笑住話「私隱」,哈哈哈哈咁笑咗好耐,先至肯透露,同太太係大學時期偶然在「一個公開場合」認識嘅。
後來徐立之去美國讀博士,佢女朋友(即現時嘅太太)竟然冇去送機,不過,女友送嘅一部收音錄音機就一直陪住佢,廿幾卅年後嘅今日,部機重喺度,雖然唔可以再錄音,但係收音依然清晰。
當女朋友移民加拿大多倫多後,徐立之不惜遠道從美國匹茲堡揸五個鐘頭車去會女友,佢重話「好近」,一日來回都得。
原來佢求學時「偷雞」兼職替同學嘅雜貨舖做貨車司機,要揸九個鐘頭車去紐約,喺貨倉後面瞓幾個鐘,然後搬搬抬抬,重要揸十二個鐘頭車返去匹茲堡。唔怪得之覺得五個鐘係小兒科啦!
(圖)徐立之當年長途跋涉奪得美人歸,𠵱家一家人樂也融融。
傳真︰2623-9278
電郵︰
[email protected]