近日因為9歲小巨肺Celine（譚芷昀）參與《全美一叮》成為全城焦點，其父譚順生父憑女貴聲名大噪，可惜揭出嚟嘅幾乎都係負面新聞，而圈中甚有人緣嘅薛家燕就爆seed，話Celine爸疑喺其「家燕媽媽藝術中心」撬走學生，仲收高昂學費。（新聞連結： http://bit.ly/2sN8t0c ）

結果，Celine爸「跪低」，發聲明道歉，更承諾私人捐出8萬蚊「學費」行善（新聞連結： http://bit.ly/2sUurxV ），今日亦展示咗佢找數嘅證據。（新聞連結： http://bit.ly/2tIO4H2 ）

至於家燕姐個大女石祐珊，平日唔聲唔聲，今日罕有地喺自己個facebook撰文撐母，佢以英文寫嘅，內容大致為：「我好少會回應八卦新聞，但經過呢個星期呢個難關，我只係想講，我為到自己可以做媽媽個女，感到好幸福同感到驕傲。更加唔使講佢無條件嘅愛同對家人嘅照顧。我時時都會記得佢教我哋做人要『正直』同『謙卑』，我每日都向佢學習緊。做呢一行好容易走歪路，我希望第時遇到困難，我都會時時記得呢句座右銘，希望你哋大家為我做見證。 #時常謙卑 #保持真我」

連個女都講成咁，大家明啦？