今時今日，我們的社會及大部份身邊的人好像都變得越來越敏感。然而，無論反應過慢或過快，又或者反應太大和太小，都有機會出事。單看各個商場，有些就算附近出現大型示威，甚至乎在商場內發生衝突，仍然堅持照常營業；但有些卻在沒有任何事情發生之前，超級敏感地一早宣佈全日關門大吉，封門封舖。

但要數最唔夠敏感度的，應該是香港政府了吧。根據Holmes Report透露，早前香港政府曾經邀請了8間國際公關公司報價及招標做一個名為「重建香港國際信譽」的大型project。結果，8間公關公司之中，4間即時拒絕，餘下的3間有畀面收Brief開會，但最終全部一致無人入標，政府連一份報價都收唔到。其中一間公司甚至回應說：The Hong Kong Government “had completely misjudged” the proposed campaign, as it was inviting RFP while the streets are on fire（想不到竟然在滿街火頭的時候，發出投標邀請書，香港政府完全誤判了擬議的公關運動）。

雖然行家談論此事都總是滔滔不絕，更打趣地問：「如果係你，你敢唔敢接呢？」正所謂邊個接就邊個有機會揚名立萬，然而，點解諗清諗楚之後無人問津？

一間公關公司 ，接受一個投標邀請，通常要過至少三大關。第一要睇下個客戶好唔好、是否合理；第二要睇下單job嘅性質是否合情、make sense、有預期成效；第三乃投放資源相對金錢及聲譽上的回報。

呢單嘢好明顯根本就係時辰未到，咁嘅時勢，做咩都等於倒錢落海，只要睇吓政府最近做的「珍惜香港這個家」電視及平面廣告宣傳，負面多於正面效果就知道。而且，大家都估到個客戶（香港政府）應該完全未能配合公關公司的要求，就算贏了單job，有幾多預算及金錢回報，到時都只會力不從心，牽牛上樹，邊個做，邊個死，倒不如不幹也罷，以免得不償失。

文迪晞
---------------------
兩次聚會 六大名家
分享長中短投資部署
立即點擊參加
蘋果動新聞 x 瑞萬通博【亂市投資攻略】
活動詳情： https://bit.ly/2lMN6tE
-----------------------------
基金資料大集合 一書幫你贏盡強積金
點擊即睇《贏盡強積金》電子書