【李八方online】區選大學區任嘉兒重新出發 前警總餐廳經理退選北區
區議會選舉李八方ONLINE徐逸昇任嘉兒
任嘉兒(左)「撤回」退出決定,宣佈重新落區;徐逸昇則宣佈終止選舉工程。
區議會選舉11月舉行,民主派藉反送中浪潮大舉派人參選,但喺多區出現撞區。其中北區「盛福」選區出現三個民主派爭一席情況,前警總餐廳經理徐逸昇噚晚喺facebook宣佈終止選舉工程,全力支持另一民主派、社工呂智恆出戰,但該區仲有新同盟黃良喜。早前因爲撞區而讓位嘅中西區大學任嘉兒,喺多番協調下尋晚宣佈「撤回」退出決定,今日會重新落區。
因不滿警方執法表現而辭去警總餐廳經理一職嘅徐逸昇,早前加入區議員譚香文成立嘅「反自動當選運動」,表明有意出戰盛福選區。不過該區出現撞區,民主動力機制下前新思維、現任新同盟成員黃良喜獲機制支持出戰,同時社工呂智恆亦已經落區服務。徐逸昇噚日喺facebook宣佈:「兩方均表現出堅定的出選意向,為大局着想,願意退出,並希望兩位可以為本人達成討伐建制派之宿願」,佢希望黃良喜可以交代出任區議員時嘅法團醜聞,並澄清點解加入新同盟,佢又話會全力支持呂智恆服務盛福。
另一邊廂,中西區「大學」選區嘅撞區問題亦成為熱話。港大學生會前內務副會長任嘉兒與前「反自動當選運動」成員歐頌賢撞區,任嘉兒日前宣佈決定停止一切相關工程,被大批網民街坊挽留。任嘉兒噚晚喺facebook宣佈「撤回」退出決定,今日會重新落區見街坊,「往後的日子,一起並肩作戰吧!」至於歐頌賢一方就話:「會竭盡全力,以我的真心誠意贏取選民的每一票。若走到最後,我將取得的票數根本不能贏得大局,我會all in全部給予任嘉兒小姐」。
-----------------------------
日期:2019年9月13日
時間:晚上7時半集合;晚上8時起牽手築人鏈
地點:各區公園、遊樂設施
參加者可叫「五大訴求 缺一不可」、「光復香港 時代革命」、「我要真普選」、「平反721、831」等口號,向國際社會展示港人打不死的精神。
-----------------------------
日期:2019年9月15日
時間:下午3時起步
起點:銅鑼灣東角道
終點:遮打道行人專用區
-----------------------------
【撐學生】
召集有心人 撐學生全年睇《蘋果》
立即按此