羽毛球︱葉姵延IG公開同性戀情:我唔再害怕、勇敢承認同面對所有
羽毛球葉姵延同性戀出櫃
港隊羽毛球女將葉姵延(黑妹)早前於社交網站上載與女伴的合照,慶祝拍拖七個月紀念日,公開同志身份,她日前再次發文,表示過往「把性取向收到好埋好埋」,但近日她不再害怕,決定勇敢面對,她感激身邊人的支持,並祝福同志朋友能找到真愛,幸福快樂。
33歲的葉姵延過往時常於IG上載與女友人遊玩的合照,不過她從未披露雙方關係,上周她於IG貼出兩人於餐廳慶祝的照片,並寫上「話甘(咁)快就7個月,雖然疫情我地(哋)只可以簡簡單單甘(咁)慶祝,但係希望呢份簡單可以帶比(畀)你無窮既(嘅)快樂。」
黑妹公開戀情獲多人留言鼓勵,她日前再次發帖,表示未有預計公開戀情後朋友間的熱烈反應,感謝各人支持,她透露過往從未承認同志身份,但近日發生太多事,啟發她「出櫃」勇敢面對,「甘(咁)多年黎(嚟)我都將自己既性取向收到好埋好埋,任何人我都無講過承認過,甚至唔小心傷害到過去既(嘅)伴侶,直到呢段日子發生左(咗)好多,而令到我唔再害怕、勇敢承認同面對所有,我相信好多人都可能經歷過或者經歷緊我經歷過既(嘅)種種,但係我想同大家講,如果你選擇左(咗)呢條路,亦堅決要走呢條路,你就要令自己變得更好更強。」她指自己一直不變,「黑妹依然係黑妹」,希望借此帖祝福每一位同志朋友找到真愛,幸福快樂。
葉姵延出道多年,她於06年多哈亞運摘女單銀牌一鳴驚人,此後她三度出次奧運,其中倫奧更躋身八強,11年其世界排名升上生涯最高的第八位,現時則排53。
-----------------------------
-----------------------------
-----------------------------