【臉都紅晒】拍住劉偉強上《幻樂之城》 網民讚伊健國語好可愛
劉偉強鄭伊健幻樂之城
大陸綜藝節目《幻樂之城》,繼上星期播出張智霖以唱演人身份表演後,呢個星期就有鄭伊健,夥拍住導演劉偉強及大陸女演員雅玫,齊齊去《幻》節目表演環節《追風》。
冇錯,一見到伊健,相信大家一定會記得佢國語爛嘅程度屬於國際級,不過最近《幻》放咗條伊健介紹自己嘅宣傳片中,雖然見到伊健講國語嘅時候,明顯表現得好尷尬同吃力,而且更不時會將國語嘅「這」個講成廣東話「呢」個、又會將《幻樂之城》中,本來係音樂的「樂」(yuè)發音,變成快樂嘅「樂」(lè),又將開始變「開洗」,不過就明顯聽得出,伊健嘅國語係比以前有好大進步。
雖然伊健嘅國語仲有待改進,但一眾網民就一啲都唔介意,而且仲好buy,話睇伊健講國語講到臉紅,覺得佢好可愛。
精選娛聞,喺晒《娛果》
http://fb.com/appledailyent