【本報訊】去年無綫電視播放的電視劇《酒是故鄉醇》，不僅令劇中男女主角林家棟、佘詩曼大受歡迎，亦令到劇中的拍攝景點廣西南寧德天瀑布成為新旅遊熱點，不少旅行社競相推出德天瀑布旅行線，由於競爭激烈，更削價促銷以廣招徠。
《酒是故鄉醇》女主角佘詩曼對意外感到震驚，她說：「我覺得好慘，新正頭發生啲咁嘅事，我拍劇喺嗰度逗留咗三個月，覺得治安好好，啲人又好純樸，我嗰陣時係搭飛機再轉幾個鐘頭車先至去到嘅，當時覺得都好安全、好放心。今次雖然係意外，但我覺得個司機要負好大嘅責任。」

元華：嗰度啲路好窄
至於另一位《酒是故鄉醇》演員元華，昨日得知香港旅行團到該劇景點旅遊途中發生交通意外時，元華亦說廣西的交通十分危險，當日他們到當地拍戲，就因山路太窄，差點釀出意外。他說：「嗰度啲路好窄，只可行到一架車，如果啲車唔禮讓，其中一架一定被迫落山崖，所以當日我哋行到山路，都寧願讓其他車駛過先敢行，否則一定出事。我試過有架車載完我之後，返轉頭就撞向山邊，好在車上冇人，個司機受咗輕傷。」