候任特首林鄭月娥即將公佈新班子，行政會議成員方面，有指前金管局總裁任志剛將會「入隊」，而現屆鄉議局代表張學明雖然以新界人身份入行會，但其實佢都係民建聯成員，之前有傳張學明下屆離任，預料順理成章議席由開始坐穩鄉議局主席的劉皇發公子劉業強接任。張學明今日表明，雖未有正式公佈，但自己意願是「退落嚟」，強調是私人理由，「冇其他嘢，身體原因，眼有點問題」。

張學明表示，有與候任特首林鄭月娥就此交換意見，講了自己看法，之後由林鄭決定。他指行會一直有鄉議局代表，劉皇發之後是他，期望會預一個位予鄉議局，因為鄉議局比較獨特，無其他團體可代替，「大家等宣佈啦！」

現屆行會成員中，愛國愛港政黨包括民建聯、工聯會、經民黨以及因為特首戰而辭任行會、葉劉淑儀所屬嘅新民黨，各有一個代表在內，一人一席。但劉業強同時是經民聯副主席，若然他入行會，加上預料冧莊的林健鋒，經民聯行會內有兩席，有指最終會是「一黨兩席」，現時已非立法會議員的民建聯葉國謙料「再坐一會」，而民建聯副主席張國鈞料同時獲委任。