家英哥昨日則在橫店拍攝電影《大內密探靈靈狗》,該片導演王晶笑言送贈按摩女郎做結婚禮物,家英哥鬼馬說:「你夠膽送,我就夠膽揼。」有指家英哥婚後有機會分得阿姐億元身家,他說:「我唔知阿姐有幾多身家,但我啲錢只係少過李嘉誠啲啲,總之我哋財政獨立㗎。」
此外,阿姐昨日接受商台節目訪問,她坦言未習慣被叫羅太或家英嫂,又透露回港後有斟茶給大姑奶,她笑說:「都係叫Lisa親切啲,佢(羅家英)到家冇叫我做老婆,我都冇叫佢老公,大家有自己嘅生活方式,跟住呢年係適應期,調節吓點相處,係好大學問。」她又謂明年1月會與家英哥夫妻檔合作,演出由家英哥寫劇本的粵劇《德齡與慈禧》。
採訪、攝影:王崇穎、曾小嘉