701收料站:通達急升唔簡單

蘋果日報 2003/09/03 00:00


昨日打八號風球,只得半日市炒作,爛賭之徒如小初之流實在唔多暢快,惟有依照傳統,約人返打屋企打麻雀。
經紀陳一路摸牌,一路講噚日股價勁升嘅通達工業(526),話隻股唔係乾升咁簡單,聽講有人埋班準備搞作,所以雖然股價升咗唔少,但仍有留意價值。
通達7月份公布截至今年3月底止全期業績,盈利有1811.4萬元,比舊年增加15.4%。
自從公布業績後,通達股價就開始見異動,噚日最高見過0.2元,收0.193元,大升33.1%,但成交股數只得695萬股,金額122.6萬元。成交咁細,似乎尚未能成氣候。
小初記得97年以前,通達呢隻工業股一度有芬佬睇起,但後來經過金融風暴,好似早兩年先至達成5年自我拯救債務重組協議。若果家陣芬佬仍然有心工業股的話,順便搞埋批股集資又何妨?
另外,小初以前提過的美力時(1005),在股價升咗唔少後,終於停牌搞批股,聽聞涉及銀碼重唔細。
慕容小初