當年今日
關於我們

【新鮮娛頭】妙問妙答 問周國豐想唔想追女?「吓?咁大鑊?」

蘋果日報 2014/05/10 06:00

趙世曾母親節周國豐

周國豐同太太黃泳霖噚晚就喺尖沙嘴維港薈酒店出席「第10屆亞洲遊艇頒獎典禮」,而原本獲邀出席嘅趙世曾,最後就冇出現到。

周國豐同太太黃泳霖接受訪問時就話嚟緊母親節會一家人連埋媽媽,即係周啓邦夫人一齊食中餐慶祝。太太就話希望收到囝囝親手做嘅母親節小禮物,有相睇下回憶下就好高興喎!

問到兩位會唔會有打算追返個女先?周國豐一聽就話:「吓?咁大鑊?」太太就話等囝囝大啲先,過一兩年先再考慮喎。周國豐又爆兩位囝囝有時係屋企都會打下交,問身為大律師嘅佢有冇調解先?佢就講笑咁話:「我成日做調解,不過都要公平先得。」