玄學測國運 中美遲早「攬炒」
蘋果日報 2019/02/06 00:00
蘇民峰中美貿易戰豬年
狗去豬來，新一年股民自然寄望今年可扳回一城。去年準確預測大市走勢為「先跌後升」的堪輿學家蘇民峰，豬年預測為「先升後跌」，而香港經濟會持續向上，旅遊業特別暢旺；至於中美貿易戰談判，他認為中國或會短暫佔優，但兩國遲早一齊「攬炒」，「美國係馬上死，中國係慢慢死。」
蘇師傅指兩國衝突是否持續不得而知，但從玄學角度看兩國運勢，行運當中的中國，似乎較美國好一些，「美國經濟循環就12年一次，2006年佢係最高位，之後回落，2012年係最低位，6年之後2018年咪最高位囉！所以現時美國經濟喺個頂，到頂就冇得再頂啦；中國原來1984年行地運就行到2024年，有40年地運，2004年到2024年就旺西南水，西南有水嘅地方經濟都會上。所以中國經濟會上到2024年，美國現時到頂，即係（貿易戰）影響美國會大過中國。」
蘇師傅指兩國衝突是否持續不得而知，但從玄學角度看兩國運勢，行運當中的中國，似乎較美國好一些，「美國經濟循環就12年一次，2006年佢係最高位，之後回落，2012年係最低位，6年之後2018年咪最高位囉！所以現時美國經濟喺個頂，到頂就冇得再頂啦；中國原來1984年行地運就行到2024年，有40年地運，2004年到2024年就旺西南水，西南有水嘅地方經濟都會上。所以中國經濟會上到2024年，美國現時到頂，即係（貿易戰）影響美國會大過中國。」
蘇師傅建議今年投資者有賺就要止賺，不要貪心持貨至年尾。
香港影響微 旅遊業更佳
至於夾在中間的香港，蘇師傅則派定心丸，因為香港以金融業及旅遊業為主，並非製造業，中美貿易戰對香港影響不大，而且玄學上，香港經濟由2016年至2021年都向好，短期內都不用害怕，「2019、2020、2021三年都係大水年，都係旺旅遊，旅遊就最好啦，全世界都推廣旅遊，簡直係一盤唔使錢嘅生意。」
至於豬年投資策略，蘇師傅建議有賺就要止賺，不要貪心持貨至年尾，否則隨時輸凸，「今年1月、2月係低位，但低極都可能係24000至25000點，而今年高位就未必穿29000點，所以賺到5%、10%就已好好啦！」
至於豬年投資策略，蘇師傅建議有賺就要止賺，不要貪心持貨至年尾，否則隨時輸凸，「今年1月、2月係低位，但低極都可能係24000至25000點，而今年高位就未必穿29000點，所以賺到5%、10%就已好好啦！」