第二場五班泥地1200米，範圍唔闊，鍾意「福駿寶」、「故事」、「彩球」及「危險威龍」。
博W信「彩球」，除準備足夠外，場地性能亦較信得過，不論正常或濕慢泥地都曾跑得好；仲有一點係鍾意用莫雷拉，因這馬韁口唔好，落到場唔錯得，要順走之外，也要就到其韁口，莫雷拉是最佳人選，適逢今場無乜快馬，排埋五檔擺前走，好好跑！
「危險威龍」曾考慮過想博，主要基於今季見韁口大為改善，以及月初試泥閘，落大雨在濕泥地試，大半程近欄食泥食到傻，後生馬竟然唔驚，末段從兩駒之間發力竄上，從未見過有咁好走勢，若然今晚跑濕泥，隨時有驚喜。
「福駿寶」月初試泥閘刻意省馬，賀賢知未夠，再安排在大圈單跳、拍跳各一課，總算逼得起狀態，賀賢唔揀開鑼日五班草地1200，連上季贏馬路程都唔吼，出王牌報泥地，對此稍覺奇怪，不過，上季曾在同程入Q，也是另一揀得上的馬。
「故事」朝早見好，但抽11檔，放又唔係，追又唔係，發揮難度大增，除非突然利外叠後追，否則未必夠贏。

詳盡內容可留意明日<<蘋果日報>>及蘋果馬網 http://hk.racing.nextmedia.com