上期提過巴塞即使續缺恩尼斯達、艾比度及米列圖，任何球員填補亦無阻組織流暢。上仗作客維爾瓦，便是靠美斯及輪換制球員施度基達尾段建功，淨勝2:0造就聯賽9連勝，所有賽事計則近15場贏足14場，走勢極順。巴塞近期守力同樣轉好，試過以碧基任中堅，甚至馬基斯及佩奧爾移至左閘都不用失球，相信傷癒的施雲奴歸隊，亦有助球隊左路力量。

此外，上周中國際賽期，雖然丹尼爾、佩奧爾、沙維及亨利等俱要服兵役；然而，伊度奧這位大勇箭頭，則毋須代表喀麥隆友賽南非，有足夠體力今場搏殺。據報美斯於上周五操練時右腿肌感痛楚，今仗上陣成疑，但即使他避戰，球隊前線火力依然猛烈。
客軍基達菲今季實力轉差，除廸拿列特離隊影響最大外，左右中場謝美加維蘭及格尼路與去季相比亦大跌watt，兩者仍未在聯賽開齋。反而防中卡斯基路越老越可愛，是整隊中場核心，惜此子近期截擊力不足，間接令球隊連負華倫西亞及西維爾。

至於前線的烏捷及蘇爾達杜俱忘帶射門鞋，我不認為能對巴塞防線構成威脅。上周五操練時，馬里奧葛廸路更與高士曼干查互毆，可見經過聯賽3場不勝後，球員間關係並不融洽。都係嗰句，巴塞未有下滑趨勢前仍不宜作對，直取「主勝」，心水波膽為3:0。

巴塞隆拿vs基達菲　3：0
半全場：主/主
盤口：巴塞隆拿[-1]
讓球主客和：H主勝