在加拿大的超級市場內,擺滿一整櫃的各式各樣鮮奶,Homo全脂奶、Skim脫脂奶、2%奶、1%奶、Butter牛油奶,最近重發現有脫乳糖的Lactose-free奶,雖然可免卻絞肚痛之苦,但飲落總覺得唔夠奶味,寧願飲番普通奶。如果肯畀貴少少,有一啲玻璃樽裝嘅靚奶,雖然都係2%奶,但係又香又滑,味又濃,飲落肚好似飲天然能量一樣,感覺好強壯。
在加拿大見到嘅土生東方年輕人大部份身形都好似Mr.Incredible一樣,上闊下窄,強壯如牛,皆因除咗做運動之外,佢哋個個由細到大都將奶當水飲,雪櫃內永遠有奶,政府為鼓勵大家飲奶,更向兒童派發牛奶金,飲完個個強強壯壯,唔使睇咁多醫生,慳番醫療開支,條數計落有着數。你的子弟奀奀瘦瘦唔長高生肉嗎?收起雪櫃內的汽水,給他們喝鮮奶,奶大概是大自然給人類最好的飲料吧,不妨試試。