今季谷草賽事提早於六月初收咧，現已進入倒數最後五次谷戰，一些擅於在細場搵食之馬房，如方嘉柏、徐雨石及部份細倉必會把握機會。當中方嘉柏周三晚出12駒，保守估計應有一至兩W交出，第四場「光速銀桂」前仗贏谷草一哩締速極佳，總時間1分39秒51，是今季四班同程最快締速，與牠力拼僅敗之「勝算高」再出已補中，可見水準絕對唔差。至於「光速銀桂」上仗再出落飛倒灶，一來增程1800米稍稍嫌長，二來彎位在四叠踩油蝕位極多，拉士只輸半身位其實難度甚高。今仗重返贏馬路程，移入四檔估計唔會再蝕，交回前仗之水準，足以坐亞望冠。