當年今日

《BInternational》激發不羈魅力
謝霆鋒袒胸演繹CD酷男

蘋果日報 2002/01/07 00:00


二十一歲的謝霆鋒,稱得上萬千寵愛在一身。他早前替英文時尚雜誌《BInternational》拍攝封面照,穿上一系列ChristianDior的LogoCollections運動裝,更袒露上身拍照,流露男人的成熟魅力。
謝霆鋒早前為雜誌《BInternational》拍攝封面,他露出健碩胸部,穿上一條ChristianDior的LogoCollections運動褲,更以雙手拉低褲頭,配合冷峻的眼光,散發男性魅力。

隻字不提王菲
霆鋒在雜誌訪問中大談工作和家庭,但對女友王菲卻隻字不提。霆鋒表示從影以來,在曾志偉身上學到許多東西,而最困難及要求最高的人則是徐克,他說:「多數導演任由我鍾意做乜就做乜,但徐克係一個好喜怒無常嘅人,佢係我合作過最難相處嘅導演,如果佢要求你做啲嘢,佢永遠唔會放棄,你可能六十個鐘頭都要直踩做落去!」

現以父母為榮
霆鋒過往在不少訪問中,曾投訴受到父母謝賢、狄波拉的規範,及活在他們的陰影下。現在霆鋒已對父母改觀,更以他們為傲,霆鋒說:「我現時絕對以我父母為榮,我唔係從來冇怨過佢哋,而係我好難去面對佢哋。直至有一日,爹哋同我講一個佢喺內地打golf嘅經歷,佢話有人經過指住佢話:『呢個咪係霆鋒嘅爹哋!』佢好自豪,佢話佢相信亦知道會有咁嘅一日,但估唔到會咁快!」
此外,ChristianDior區域傳訊及公共關係經理張旨燊,大讚霆鋒形格俱備,他說:「Dior係一個好講求個人風格嘅品牌,霆鋒本身好有性格,着出個人style,加上佢身形好弗,成個model咁。」
穿衣哲學崇尚簡約
謝霆鋒衣着一向本着我行我素的風格,不會盲目追捧潮流。霆鋒一向的打扮都rock味十足,是時下年輕人最愛模仿的對象。雖然霆鋒衣着入型入格,但平日他卻最愛T恤、牛仔褲及拖鞋等十分平民的便服。
而霆鋒的穿衣哲學亦很簡單,他曾表示衣着要舒服自然,要有自己的形象及展現自己。
相片提供:《BInternational》