葉翠翠今日同黃芷晴齊齊出席商場活動，講到2013年巳嘅大計係乜，翠翠話：「我希望今年可以拍多啲劇，試多啲唔同嘅角色，最好有少少時間等啲桃花好啲。」

o依家單身嘅翠翠，有唔少朋友提議佢去相睇，但係翠翠話：「我自己唔係好夠膽，好似尋晚我同啲朋友去中環倒數，有個外籍男士走嚟同我傾計，我真係唔識處理，跟住啲朋友用廣東話傾計，先可以甩身。」翠翠話：「我唔慣喺酒吧識男仔，就算異地情都唔想，拍得拖梗係希望成日見喇。」

同場嘅黃芷晴，佢嘅新年願望係希望香港電視快啲開台，佢話：「我喺啲討論區見到好年青人都讚我地啲劇種有好多唔同類型，所以都好希望可以吸納番多啲人睇電視。」