生完小海綿冇耐嘅Angelababy(楊穎)，早排復出拍大陸節目《奔跑吧》。日前，有節目工作人員爆料，指Angelababy喺拍攝嘅時候，俾道具砸傷，瞓喺地上好耐都起唔番身。

之後一段疑似Baby喺拍攝時受傷嘅短片喺網上流傳。短片中，Baby喺鏡頭前搏晒命狂奔，但最終都俾後面碌緊過嚟嘅巨型圓球砸中，見佢瞓喺地下好耐都郁唔到，睇嚟呢吓都幾痛，而節目其他成員好似王祖藍咁，亦有第一時間走埋去睇吓Baby有冇大礙。

至於平時低調開嘅林嘉欣，亦有做今集節目嘉賓，喺撕名牌環節嗰陣，佢仲好出力撕Baby同迪麗熱巴個名牌，睇唔出平時嬌滴滴嘅嘉欣，玩起上嚟都好投入吓。