【三角關係致分手?】余香凝舊愛暗寸偷食 陳家樂再護前度:唔係事實
Jason陳家樂余香凝
「爺爺」陳家樂同余香凝分手後,依然好受關注,日前仲有指陳家樂疑似做咗第三者,介入咗余香凝同藥業公司老闆陳秋山(Jason)嘅感情,當時Jason仲感歎月謂:「性格決定命運,道德觀念這麼低,只配嫁窮郎。」(新聞連結: https://bit.ly/2MCwfTq )
陳家樂今日到銅鑼灣開工,再次被問到感情事,日前報道講到余香凝有踏兩船前科,陳家樂就話有人講過呢單新聞佢聽:「之前感情事唔想再提,余香凝係一個好嘅女仔,自己唔想講太多。」記者講到陳家樂當年做咗第三者,佢就再次話分咗手唔回應太多。至於余香凝被爆有前科,形象更加負面,陳家樂表示:「其實希望畀啲空間佢哋,尤其係佢,佢好無辜,因為大家見到我有壓力情緒出現咗,所以對佢有主觀判斷。」
陳家樂話同余香凝無聯絡,不過中間有相熟朋友搵過,至於對方被指拜金,佢就力撐:「我之前講過好多次,佢唔係咁嘅人,拍拖時都冇話送貴重嘢,佢唔係咁嘅人。」記者再問有指余香凝同Jason拍拖時,用對方錢買嘢畀陳家樂,陳家樂再否認:「事實唔係大家睇到咁,唔想講太多,好多人去選擇去睇同相信唔係事實嘅嘢,所以我唔想再講。」
選娛聞,喺晒《娛果》
http://fb.com/appledailyent
陳家樂再講到感情事,都係好維護佢嘅前度余香凝,不過佢承認冇聯絡對方。
有指佢係第三者,余香凝亦用前前度Jason嘅錢買嘢俾佢,陳家樂話唔係事實。
Jason同余香凝分手後,曾留言謂:「性格決定命運,道德觀念這麼低,只配嫁窮郎。」(ig圖片)