組合ERROR的四位成員梁業（肥仔）、何啟華（Dee）、郭嘉駿（193）和吳保錡日前接受《蘋果》邀請，到位於荔枝角的D2 Place舉辦的香城年宵市集，他們發現舊戰友楊昌鵬（小魚）在市集內兼職，四人即表示：「你哋睇吓，參加完《造星》後要做保安。」四人立即問小魚：「畀你揀多次你會參加《造星》定嚟做保安？」小魚抵死地答：「梗係嚟做保安啦！」

四人在市集內四圍行，遇到參加過《造星》的張匡佑（Jason）和曾在電影《淪落人》中飾演黃秋生囝囝的黃定謙，Jason替ERROR彈結他獻唱一曲《我們不碎》助興。提到新年願望，肥仔笑言：「希望新一年公司會畀多啲budget我哋啦。」阿Dee則希望大家身體健康，他笑言：「因為我哋嘅成員之一193已經確診咗患上肺炎。」旁邊的193即說：「邊有肺炎呀，我喉嚨痛咋。」問到可會到「花姐」黃慧君家中拜年？保錡指應該不會，因為花姐不喜歡其他人用她屋企廁所。他笑說：「如果我哋加埋MIRROR去到佢屋企都冇得用廁所點算？」

採訪：曹家誠
攝影：沈健程
場地提供：D2 Place