由俞承豪及金所炫主演嘅MBC新劇《君主-假面的主人》，將於下月10號首播，劇組日前公開第4段預告，劇迷終於等到男女主角甜蜜嘅片段，紛紛留言表示俞承豪同金所炫好襯。

短短38秒的預告由金所炫及俞承豪對望開始，氣氛曖昧，隨後俞承豪就發動攻勢，直問金所炫：「我靚唔靚仔？」、「你叫咩名？」、「你有訂婚對象未？」，相當進取，而金所炫帶俞承豪返屋企時，金所炫父親仲叫俞承豪多啲嚟玩，搞到金所炫勁怕醜甜笑。

點知鏡頭一轉就見金所炫父親被殺嘅場面，隨後金所炫就喊住質問俞承豪，俞承豪只係講咗句「對唔住」，似乎開始一段虐戀，令劇迷跟住一齊心痛，更加期待劇集嘅播出。