黎明﹙Leon﹚昨日往尖沙嘴香港酒店，出席有線電視及SonyMusic合辦的記者會，宣布委任Leon為「有線世界盃大使」，成為大中華區世界盃宣傳歌曲《衝鋒陷陣》的主唱者。Leon接過一件十號球衣作紀念後，大會隨即播出主題曲的特別版MV。Leon又在外套上貼了有線的標誌，稍後還會代表有線，往上海採訪中國國家足球隊備戰情況。
難以啟齒
Leon昨日公然替有線工作，問他是否不怕開罪無綫？他表示因有線擁有世界盃香港獨家播映權，而他則是大中華區世界盃主題曲的主唱者，合作是無可避免。
被問到是否和無綫仍有歌星合約？Leon說：「我同無綫嘅關係非常特別，點特別？關係『難以啟齒』啦。」Leon表示事前不用知會無綫，他說：「唔通無綫做乜嘢事都會知會我咩。」
Leon下月會為《衝鋒陷陣》一曲拍攝MV，至於是否會在無綫播映時，他說：「MV係我唱片公司﹙SonyMusic﹚出錢拍嘅，會喺全世界播，無綫播唔播係佢嘅事。」
互相配合
記者昨日就Leon出席有線活動，致電無綫製作部助理總監何麗全了解，何麗全指Leon所屬唱片公司事前已知會無綫，何麗全說：「世界盃首主題曲係Leon唱，而有線係香港唯一嘅一間機構轉播世界盃，Leon有咁難得嘅機會，咪互相配合囉！」
採訪：何永寧
攝影：陳慧安