政府今日出稿話2021年選民登記運動今日展開，要鼓勵未做選民嘅人登記做選民，已經係選民嘅就更新登記資料。成份新聞稿真係充滿黑色幽默，試問今年仲會有選舉嗎？

實情份新聞稿嘅內容都係例牌嘢，總之選民登記資料有變，就要喺今年4月2日或之前填表通知選舉事務處，否則今年7月出嘅正式選民登記冊就無你份，若然係搬咗屋就要喺更新資料時畀埋住址證明。

另外，選舉事務處鼓勵市民登記做選民，登記時要畀埋電話、電郵，方便當局聯絡佢哋，同埋用電郵數候選人嘅選舉電郵。

其實今年仲有冇選舉已經天曉得；就算有，難道又會係一個有意思、真正有選擇嘅選舉嗎？大家心中有數。話時話，政制局局長曾國衞講親選舉，總會強調選舉係「公開、公平、誠實」，不過以前政府通常話選舉係「公開、公平、公正」，箇中玄機，大家不妨自己參詳吓。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！