周日打吡之外，另一場重頭戲係女皇銀禧紀念盃，前屆冠軍「天久」將與「好健康」等後起之秀正面交鋒，夥拍「好健康」出戰的騎師田泰安表示，希望座騎挑戰成功，取得馬兒首場一級賽頭馬。
田泰安話「好健康」今仗所遇對手乃歷來最強，加上平磅賽需要蝕磅跑，故此形勢相當險峻，好在隻馬近況大勇，而且跑法機動，今仗五檔起步既可前領，又可選擇居三、四位競跑，有望跑出最高水準捧盃。
至於五戰1400米得三冠一季的「天久」，騎師柏寶就話隻馬上場跑1200米主席短途獎時，狀態僅屬初起，且起步失機蝕位，卻依然力壓對手贏馬，足見毫無退化；復課操練正常，今次將以更佳狀態迎戰，排四檔有一定機會重奪女皇銀禧紀念盃。