【本報訊】雨傘運動五周年紀念日，大批穿黑衣市民昨晚到添馬公園參加集會，不少人稱特首林鄭月娥辦對話會同時，繼續無視市民訴求。任職醫護人員的陳小姐昨與丈夫一早到場，她怒斥林鄭是「錄音機」，「佢（林鄭）已經講咗三個月，我唔相信五大訴求佢聽唔到囉，但佢都無回應」，表明對林鄭至今的回應不收貨，「佢都無回應𠵱家警暴問題，有眼嘅人都見到警察好過份，警察有權拉示威者，但無權拉咗之後係咁毆、係咁毆﹙被捕者﹚個頭」，透露自己在醫院見過示威者傷勢，形容傷得「好離譜」，作為醫護更應發聲，提及示威者傷勢時她更一度哽咽，強調一日未能爭取五大訴求，「我一日都會繼續出嚟」。

質疑為拖延時間

退休的陳先生與太太同樣對於所謂對話會極度不滿：「我諗無一個香港人會滿意。」陳太怒轟林鄭在對話會內根本未有回應問題，「只係發問者自己講問題」，「佢搞呢個咪又係政治騷，浪費港人時間」；陳先生則批評林鄭的政治騷影響整個社區的人，學生要提早放學，又要出動3,000警力，認為對話會只是拖延時間，「林鄭不如盡快回應訴求，如果唔係不如唔好搞喇」。

楊先生直言因林鄭在對話會「講廢話」，令他認為必須參與昨天的集會，舉例指林鄭稱停用新屋嶺拘留所，「新屋嶺只係個地方，入面發生嘅嘢先係重點，停用有乜用呢？根本就係乜都無改變，為對話而對話，然後出動3,000個防暴警察，你可以見到係根本無改善」。他續指政府展開對話只因「無其他辦法」，只能通過對話拖延，「五大訴求講咗幾個月喇，你（特區政府）唔知咩？你知但係唔做咋嘛」。
■記者陳嘉裕