當年今日
關於我們

後勤獎金欠利記未派

蘋果日報 2006/08/30 08:00


新盤過去呢兩個月排山倒海咁出,代理可謂久旱逢甘露,賺佣賺到笑。當然,前線辛苦搏殺,後勤都唔舒服得去邊,因此,代理行都好識做,派番啲特惠金畀佢哋。
繼中原後勤上個月每人有300蚊利是後,美聯啱啱又話派每人1000蚊獎金慰勞後勤員工,港置亦派500至1000蚊特別花紅,藉此表揚同鼓勵員工繼續努力。睇嚟利嘉閣啲管理層都「有壓力」,好快會有好消息安慰吓後勤嘞。
不過,中原同美聯今次出手似乎奀啲噃,記得舊年同前年樓市比較旺嗰陣,班後勤唔係多一個月就有半個月糧。