英格蘭中場阿歷士張伯倫今個夏天婉拒車路士的邀請，聲稱是為了要踢中場中成為「新謝拉特」，才以3,500萬鎊（約3.5億港元）轉會費由阿仙奴轉投利物浦。然而即將帶領利記出戰歐聯，作客馬里博爾的領隊高路普就表示，張伯倫暫時不會改變他在球場上充當翼鋒的位置喎！

「當球員未接受過中場中嘅訓練，就去踢呢個位置，咁樣唔合乎常理喎！」高路普又透露：「依家張伯倫喺接受緊翼鋒的操練，無可能突然安排佢踢中場中，咁樣對佢、對球隊都唔係好事黎。」高路普又話，短期內亦不會改變張伯倫嘅位置，又話改變位置係長遠嘅事，似乎暗示張伯倫想做「新謝拉特」，依然要等下先喎！