七一慶回歸20周年，明天（7月1日）沙田編跑十場，三泥七草，其中草地用A加3跑道角逐，而三場泥地都跑非短途。

天氣酷熱，人馬皆辛苦，臨場要多留意馬匹行圈情緒。近期有表現之騎師，不離潘頓、潘明輝，莫雷拉已淪為配角，巫顯東復出，黃皓楠不斷進步，都是馬迷聚焦捧場對象。

第九場三班1400米：「美妙星」今季進口呂廐自購馬，適應甚佳，在快活谷跑四仗千二米，得一季兩亞軍，近兩仗分別敗於「越感」及「火麒麟」，水準都唔曳。今次轉戰沙田，增程跑千四米，在外地贏右轉千三及千五米，路程絕對合適。

恨贏之馬，復課加強操練，郭能高度重視，五課快工夫都親力親為，快跳身靚勁力貫注，狀態起得更好。論馬演出準繩，路程可應付，爭勝機會可秤先。

「深愛」一出即勝千二米，以強橫後勁殺敗「財高八斗」，上仗增程跑千四米，孭重磅排大外檔，當日跑道形勢利放，韋紀力選擇搶前走，可以理解，直路減弱都保住亞軍，其實表現已相當好。

今次上三班跑，對手實力也增強，但減負輕磅，對這匹馬仔有助，回配莫雷拉，馬有進步，當然是爭勝分子。

「快樂寶貝」季內兩勝千六米，其實千四也是強項，今場放頭馬唔多，以其速度，一定可擺前走，若跑道利放，就佔到優勢，若利追，但本身亦夠能力爭一席，不容輕視。

「大運起」跑了五仗未有成績，但上回用潘明輝跑同程，直路曾受困，拉士一百米跌鞭，發揮未如理想下追近。

有質馬已適應了水土，外地兩勝千四米，落班唔用牌仔，配梁家俊騎得好鬥志，有分頭可以一敲。

「新力威」路程首本，做好走位可爭入前列。「勇敢傳說」熱身後進步，可跟進表現。