鄺美雲（Cally）今日去到尖沙嘴參加雲水浴佛花車起動禮，Cally係虔誠嘅佛教徒，今個月係佛誕，Cally話呢個節日比自己生日更重要：「我生日微不足道，媽媽生我哋辛苦，要懷感恩嘅心；而佛陀誕生，佢教導我哋好多嘢，教我哋點活得好。」

Cally仲話浴佛可以洗滌心靈，將心裡面唔開心嘅嘢都一掃而光，問到Cally好友、同為佛教徒嘅洗米嫂（Heidi）有冇唔開心？Cally就話：「佢冇唔開心，佢好好。有佛法，有辦法。佢依家成日聽佛經、念佛，好多嘢明白就得。」

問到Heidi臨盆在即，情緒有冇變差？Cally就話：「冇，佢好好。佢之前都有學佛，依家澳門有佛光會道場，佢都去多咗，人會好開心。」