【去法國開餐廳】舒淇趙薇晒廚藝 王俊凱做侍應介紹菜式
舒淇趙薇蘇有朋王俊凱中餐廳
大陸之前不時購入外國綜藝節目版權,製作內地版,自2016年限韓令,大陸電視台開始唔再買節目版權,疑自製山寨版,有部份節目更抄到好似倒模咁,盜版猖獗,搞到今年初,韓國國會通過「禁止外國抄襲文化產品及音樂」法案,唔止抄劇集、比賽節目,連真人騷都疑似「照板煮碗」,好似由趙薇、黃曉明、張亮、周冬雨及靳夢佳主演大陸真人騷《中餐廳》,播出以嚟一直被指同韓國《尹食堂》題材一模一樣。
雖然捲入抄襲疑雲,不過《中餐廳》卻大受歡迎,添食拍第二季,拍《中餐廳》第二季改去法國開餐廳,廿日經營食店,成員變成趙薇、蘇有朋、舒淇、王俊凱及白舉綱,近日被大陸網民「捕獲」,貼出佢哋身在Colmar嘅相,估計仍由趙薇擔任店長,而王俊凱就做侍應,另一張相見趙薇同好友蘇有朋喺廚房,專心望住個鑊,似係一齊研究緊煮法。
相中見王俊凱身穿藍色衫同圍裙,耐心向當地人介紹菜式,而網民指趙薇負責整炒蝦同薑汁雞,而舒淇負責整清蒸鱈魚,網民讚舒淇整得好有鮮味。
精選娛聞,喺晒《娛果》
http://fb.com/appledailyent
舒淇負責整清蒸鱈魚,網民讚舒淇整得好有鮮味。網上圖片