當年今日
關於我們

【李八方online】青年要禁酒 準醫生就去酒吧開P?

蘋果日報 2018/12/20 18:14

聖誕節香港醫學會飲酒未成年咪掂酒精

又到聖誕、又到聖誕,普天同慶嘅日子,梗係要玩番夠本啦﹗香港醫學會青年委員會暨學生附屬委員會前排喺社交網站宣佈,聽晚會喺中環一間酒吧開P。咦,醫生同準醫生去酒吧開P?乜政府唔係鼓勵大家飲少啲咩?據聞此舉喺醫學界惹嚟唔少迴響。
今年年頭立法會通過咗《2018年應課稅品(修訂)條例》,禁止商家向未成年人賣酒,否則最高罰款5萬蚊。食衞局局長陳肇始仲話喎,為咗以身作則,食衞局飲宴唔供酒。
但喺一片禁酒氣氛之下,香港醫學會青年委員會暨學生附屬委員會,卻喺聽晚7點至11點就會喺中環某間酒吧開P聯歡,仲玩時下流行beer pong,學生每位180蚊、醫生就每位230蚊,加多百幾蚊就多杯飲品。
據聞有啲醫生覺得唔多好,社會要求青年人禁酒,準醫生就去飲酒?本身喺醫生嘅公民黨郭家麒就同八方講,去得個派對都係成年人嚟嘅,加上好似佢咁喺英國受訓返嚟嘅醫生都明白,呢啲只係傳統嘅社交場合,旨在畀大家輕鬆吓,唔係豪飲喪飲。都係嗰句,凡事適可而止好重要。