衛詩雅前年瞞住父母，先斬後奏，斥資780萬港元購入啟德一個348呎高層一房單位，付兩成首期，即約156萬元。近日終於都正式成為業主，可以收樓喇！昨日詩雅在社交網分享一條驗樓片，不過她並非請來專業驗樓師，而是自己化身驗樓專家，過程都似模似樣。

詩雅將片段放上Youtube，又在Instagram留言：「我終於做業主！我終於收樓喇！今日帶大家一齊上我新屋驗樓，我之前上網睇咗好多詹sir驗樓嘅片，希望學到佢一兩成功力啦！」

片段開首，詩雅由爸爸接載到現場，她落車後即說：「嚇死我，頭先撞車，好驚，好彩有安全帶，我喺公路撞車，唔知點算好，截唔到車，即刻打畀阿爸，叫佢嚟接我，好彩有阿爸，世界上有咩好？就係只有爸爸好囉！」

詩雅入到屋表現興奮，更自誇有足夠的專業，帶齊驗樓三寶，就是伸縮棍、Memo紙及筆。開始驗樓時，她發現牆身的油漆太薄，之前裝修工人寫的字還隱若可見，但她即搞笑地說：「六合彩幾時開？係咪畀訊號我，但寫住280喎。」

試浴室花灑時，發現企缸門邊滲水，詩雅驚訝大叫：「漏水！好嬲！要用張A4 size咁大嘅memo紙至得呀！」到驗開放式廚房時，她則自爆試過在廚房煮食時燒着物件，差點引起火災，所以如無必要都不會下廚，平時只會煮杯麵。

詩雅表示收樓之後更加要努力工作，搵錢供樓，「你見我係冇傢俬，我要努力工作搵錢買啲靚傢俬。」

--------------------------------

【六四30】守住歷史 拒絕遺忘
https://hk.adai.ly/zdzKtt2RiW

--------------------------------
【記住63836568】全民爆相爆片！
下一個爆料王就係你
https://bit.ly/2Guolu9