當年今日
關於我們

【同前夫冇聯絡】失婚陳逸璇單拖睇首映 審慎了解追求者免重蹈覆轍

蘋果日報 2019/12/24 16:49

陳逸璇可嵐CATS

可嵐與兒子、陳逸璇、邵音音、張崇基和張崇德一家等今日在尖沙嘴出席《CATS》首映禮,可嵐指快9歲大的兒子喜歡動物,所以帶他前來欣賞這部電影。問到家中有沒有養動物?可嵐說:「有呀,原本有3隻狗,但2隻太老,上年過咗身,而家得番5歲大嘅狗,早前我帶囝囝去馬來西亞做嘢,突然收到傭人傳嚟嘅相,原來我隻狗被洛威拿大狗咬傷咗,咬到成身血,肚都被咬到破,腸都穿埋,我見到好激動,但唔敢同個仔講。」可嵐指狗狗經過多次手術,正在康復中,但手術費很昂貴,幸有朋友出手相助,現時要處理索償問題。
單拖到場的陳逸璇,原本相約媽媽一起睇戲,可惜媽媽有約,「佢係職業女性,仲忙過我,但我覺得佢係去買禮物,因為今晚屋企會有個聚餐交換禮物。」失婚的她,感情有沒有着落?她說:「一日未結婚都未有着落。」有沒有追求者?她表示:「都有,了解中,今次要非常審慎,因為之前嘅經驗,令到我會小心啲,同埋聽下家人同朋友比我嘅意見,佢哋會清晰啲,唔會當局者迷。」她坦言今次不會閃婚,還指與前夫沒有聯絡。
採訪:黃曉妍
攝影:葉君海
-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
empty
張崇基和張崇德一家等今日在尖沙嘴出席《CATS》首映禮。
empty
沙律張沛樂
empty
邵音音
empty
可嵐指快9歲大的兒子喜歡動物,所以帶他前來欣賞這部電影。
empty
問到家中有沒有養動物?可嵐說:「有呀,原本有3隻狗,但2隻太老,上年過咗身。」
empty
單拖到場的陳逸璇,原本相約媽媽一起睇戲,可惜媽媽有約。
empty
失婚的她,感情有沒有着落?她說:「一日未結婚都未有着落。」