內地創業板指數今日大瀉超過半成，中投傲揚基金經理溫鋼城認為，市場憂慮創業板企業盈利欠佳，投資者因而把資金轉而投放至主板避險。他補充，創業板「未必日日都股災、未必日日跌5.1%」，但目前不會有大上升動力。

就內地股市走勢，溫鋼城表示，由於主板不少大型企業都錄得盈喜，加上內地經濟數據不俗，隨市場消化全國金融工作會議消息，料內地股市不會「跌得耐同跌得多」。他看好滬綜指和富時中國A50指數，預期前者將於3160點左右有支持，後者則將於11400點附近有支持。至於創業板指數，溫鋼城指：「唔睇啦廢事煩，既然嗰邊（主板股票）有得炒，做咩走去炒啲細嘅呢？風險又高又賺唔到錢。」

記者﹕莫亦熙

蘋果財經，關心你飯碗
http://fb.com/appledailyatm