陳慧敏和音樂監製CMgroovy今日到商台宣傳合作歌曲《班門大叔》，首歌係由同學創作，交由陳慧敏去演繹，內容講述一位95歲廟祝芬叔叔，亦做過裝修師傅，陳慧敏指自己兩位屋企人都做裝修，所以好有共鳴。

陳慧敏話錄製歌曲過程當中，與過往情況好大分別，佢話：「過往係監製同音樂人一齊入錄音室俾意見，但今次錄音時有十幾人圍住，有唔同聲音，我就好似代表人發聲咁，將人哋嘅想法消化咗去演繹成為大家嘅作品，好彩大家意見都一致，好快達成共識。」陳慧敏認為自己都冇諗過會寫呢類型題材作品，對創作人嚟講好有衝擊，以往流行曲可能都會圍繞住自己，而佢同CMgroovy還未真正拜訪過芬叔叔，歌曲製成後會拎埋隻碟去送俾對方。

精選娛聞，喺晒《娛果》
http://fb.com/appledailyent