羅志祥(小豬)上年6月被爆同大陸網路紅人周揚青共度春宵斷正，事後小豬亦高調認愛，二人不時隔空放閃，打得火熱；去年女友生日嗰陣，佢就喺Instagram寫道：「只有自己知道你要甚麼！只有自己知道甚麼是值得！」

小豬噚晚喺瀋陽舉行完個唱，完騷後，佢亦不忘女友周揚青28歲生日，喺周揚青生日嘅前一分鐘發微博，於噚晚11點59分，留言畀女友，寫道：「生日快樂喔，周老闆！」搞到唔少fans呷醋，呻覺得唔開心，有fans就笑佢早咗一分鐘發微博，亦有fans祝福佢同女友。