【本報訊】政府打壓的行動未有止息，7.1佔領立法會事件中，其中一名最後留守的「死士」、化名「飛機」的24歲年輕爸爸吳先生，被控以進入或逗留在會議廳範圍罪，案件下月21日於東區法院開審。吳先生昨早收到法庭傳票感無奈。據他了解，個別「死士」已選擇流亡台灣，但他因父親及小孩問題留港，過去半年一直在徬徨中度過。他坦言對官司信心不大，目前尚未找到代表律師，需手足支援，惟他未有言棄，「人生總會有好多遺憾，盡咗力做應該嘅事」。

吳先生育有兩名子女，曾任廚師，現靠散工維生。去年7.1佔領立法會事件，他與數名示威者決意留守，被形容為「死士」。近日他收到法庭傳票，控以進入或逗留在會議廳範圍罪，最高可判監禁三個月及罰款2,000元。

「港人未死晒都仲有希望」

「今次真係搞唔掂」，面對當局清算，吳先生對勝訴的信心不大，「我面對緊嘅對手係中共，對住中共邊個夠膽講自己可以有信心」。對於當日決定，他指：「我覺得公義嘅事我應該做，（若因）做正確嘅事而要付出慘重代價，咁就係社會有問題。我唔願意我小朋友，喺一個因為有良知、有良心就係犯法嘅地方長大。」

吳先生指過去半年每日均感徬徨，「食緊下午茶都會諗，會唔會係食緊我嘅最後一餐」，但他會堅持下去，「唔係有希望先至做落去，係做咗落去先至會有希望……香港人未死晒都仲有希望，香港人唔會咁順攤跪舔（政權）」。
■記者鄭啟源