【本報訊】高力國際指憑兩項指數能估計樓市下滑的時期；業界人士指沒有任何指標可看到樓市何時下跌，只能說戰亂發生時，樓市便會跌；有學者則認為大幅加息將會令樓市下滑。
中原集團主席兼總裁施永青表示，「如果美國掟原子彈，樓市咪會跌，樓市跌仲受好多因素影響，例如打仗、經濟衰退、通脹失控、美元貶值等，全部都會影響樓市下跌，但今日甚至短期內未見到上述因素出現，唔係點會仲有人買樓。」
他又指，「樓市跌最必然的因素就係市民買晒樓冇晒錢，啲錢變晒樓，啲樓咪會跌，下一次咪冇人買，但現時仲有好多人有錢未有樓！」施永青認為，「世界上冇任何指標可以從過去睇到將來，如果咁樣嘅話，上帝咪冇角色做。」

林一鳴：加息影響大

樓市評論員林一鳴則認為，大幅度加息已足夠令樓市下滑。他表示影響樓市的因素有三種，第一是供應量，第二是經濟急速轉差、失業率大升、金融海嘯等大型經濟蕭條，第三是大幅度加息，但前兩者發生的機會甚微，只能說加息是影響樓價的最大因素，雖然美國今年預期加息3次，香港銀行亦不跟隨，因此短期內並無任何因素會令樓價下滑。