【人生贏家】跳槽曼聯後 連迪路夫求婚成功
蘋果日報 2017/06/22 21:50
曼聯求婚域陀連迪路夫連迪路夫瑪查
連迪路夫向女友瑪查求婚成功。
曼聯新援域陀連迪路夫呢個夏天真係順風順水，先係事業上有新發展，離開葡超嘅賓菲加，下季加盟英超豪門曼聯。呢位瑞典守將最近仲求婚成功，佢嘅未婚妻瑪查（Maja Nilsson）喺社交網站上大晒訂婚戒指！
瑪查係連迪路夫嘅跟得女友，以前連迪路夫踢賓菲加，佢都成日着波衫入場睇男友踢波。連迪路夫加盟曼聯，瑪查亦跟住男友去曼市體測同簽約。連迪路夫跳糟曼聯後，呢排就帶咗瑪查去馬爾代夫度假，而瑪查嘅身份由女友變成未婚妻！瑪查喺社交網站狂放戒指相，一張係佢喺泳池度影，舉行拳頭，向鏡頭晒戒指。佢喺社交網站話：「我應承呀！永遠都應承」另外仲話：「準備好做連迪路夫太太。」
瑪查晒戒指相。
瑪查話應承咗求婚。
瑪查再晒戒指相，仲話準備好做連迪路夫太太。