《STAR WARS：天行者的崛起》今日在尖沙嘴K11 舉行特別場，一批《星戰》狂迷打扮成電影中人物主角現身，戲院場外展出《星戰》相關造型頭盔和海報，吸引入場觀眾欣賞拍照。電影來到終極篇令《星戰》迷不捨落淚，獲得一眾小朋友打扮成小《星戰》人物捧場。

《蘋果》趁《星戰》狂迷欣賞完最後一集，即時邀請大家說出看畢電影後的第一感受，一齊來看看《星戰》迷有甚麼想說吧！

*********（注意！！以下街訪或包含劇透，請讀者自行斟酌閱讀。）*********
↓
↓
↓
↓
↓
↓
↓
↓
↓
↓
↓
↓
↓
↓
↓
↓
Samson：「今次正呀，呢套補返上集missing point，之前嗰集有啲失望，今次冇得輸，無論拍攝同內容都無懈可擊，睇到中途滴咗幾滴眼淚，覺得個結局有啲意外，但好ok，知道最後一集，迪士尼唔會畀我哋失望。」

祝先生：「ok，結局幾好，成個故事好完整，算係心目中結局，冇話唔捨得嘅，始終會再有第二啲延續。」

朱小朋友與李小朋友：「我哋追晒咁多集，今集整體幾好，就好似以為會輸，最後都贏咗，但未係心目中結局，覺得ok sad。」

曾先生步出戲院時眼紅紅：「好感動，最尾個畫面連結返前傳、正傳重要情節，連貫番三部曲好感觸。我最主要想睇皇帝，好滿意佢今次出現，結尾好感動。」

馮先生：「咁多年都有追開，都唔會放過，自己年輕，所以第一集都係翻睇，今集有驚喜，大家都知佢想完咗，整體都差唔多，唔可以話好感動，不過有啲經典位，有啲情意（結），唔捨得都有啲。結局算係中規中矩，自己唔係好識電影，但覺得結果可以再好啲。」

Cecil：「睇咗《星戰》好耐，所以每集都會睇，冇去戲院睇嘅會喺Netflix睇番。結局雖然完咗，但係自己覺得仍會有下一集，感動位係公主嗰part，覺得幾震撼。最後一集始終會唔捨得，因為過往有3集都係入戲院睇。」

學生Andrew：「 自己算係《星戰》迷，不過今日係陪一個超級fans嚟睇。以前屋企人畀我睇過4、5、6集，因為太細個唔明，大個睇返前面幾集先至明。劇情有感動位，螢幕畫面豐富，劇情有surprise（驚喜），整體係好嘅結尾，高興可以見證完整落幕。」

黃先生：「好期待呢一集，每一次都好感動，自己有唔捨得，但會繼續期待驚喜，齣戲有少少驚喜，一啲有少少身份嘅人，可以去抗拒命運。」

媽媽Elaine帶同黑武士裝扮女兒Victoria：「真係完結篇咁，結局出人意表，冇諗過Kylo Ren會消失。」

採訪：張明、卓寶花
攝影：陳慧安、林賓尼

-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇