當年今日
關於我們

【武漢肺炎】「第二家園」港人余先生:大馬遲咗封關 但好過港府要人教

蘋果日報 2020/03/17 14:27

馬來西亞

馬來西亞政府宣佈,3月18至31日將會全國封城,以及本地人一律禁出國、外人禁止入境。港人余先生一家三口去年成功申請第二家園移居大馬吉隆坡,上周剛好由吉隆坡回港:「吉隆坡兩層樓仲起緊,所以目前暫時兩邊走。」表示現時在吉隆坡買樓睇樓,都要量度體溫:「有經紀話如果聽到你講普通話,知係大陸人都唔會帶你睇樓,好似我呢啲中英夾雜,知道你係香港人,通常都會帶你去睇。」對於大馬封關他不感意外:「遲咗啦!應該要早過泰國封!大馬政府各項政策都係國民優先,香港政府做法唔係以人為本,而家要市民教返政府去做嘢咁。」
余先生表示現時大馬口罩供應十分短缺:「現時吉隆坡市面上已經冇口罩賣,唐人街有散裝口罩,成5蚊港紙一個,大馬人收入仲要比香港人低喎!所以真係好貴。希望大馬政府可以供應多啲口罩畀國民用。當地華人都會戴口罩,但可能文化唔同,當地穆斯林教徒祈禱係唔會戴口罩,佢哋宗教信仰係咁,佢哋應該冇諗防疫上問題。」儘管如此,余先生看到香港大馬兩地政府的處理手法,仍認為大馬政府處理較好:「暫時都係大馬政府處理得好啲,大馬政府各項政策都係國民優先,雖然香港政府文明啲,但你睇到個往績,香港政府做法唔係以人為本,而家要市民教返政府去做嘢咁。」
雖然現在人在香港,但余先生表示大馬解除封城後,4月會再回去吉隆坡:「始終吉隆坡係比較先進城市,少大陸人聚居,同埋大陸人旅遊通常都係去檳城,投資就通常都係去新山。加上大馬地方大,人口唔算多冇咁密集,相對安全。」
記者 張嘉鎣
-----------------------------
【武漢肺炎】專頁
全民自救 抗疫資訊盡在《蘋果》
-----------------------
屬於香港人的移民攻略
立即登入【全球樓行】
Dream House零距離