韓國雙人女子樂隊Bolbbalgan4（臉紅的思春期）去年因一首《給你宇宙》而爆紅，早前臉紅的思春期宣佈將於下月22日（星期五）來港，喺旺角麥花臣場館舉行由德碩文化傳播有限公司主辦嘅演唱會。

臉紅的思春期由安智煐及禹智潤兩位女生組成，成員安智煐早前趁開騷前就到美國旅行，佢今日就喺Instagram上咗美國度假嘅相片，安智煐大方公開素顏照，粉絲都大讚佢好可愛。而禹智潤日前亦都公開一張佢同安智煐着住「情侶裝」嘅合照，笑造型似足「午餐肉」，十分搞笑。

另外，今日主辦方亦公佈下月22號嘅旺角騷將於下周五喺購票通公開發售，票價分為$980及$680兩種。

更多韓流，喺晒《娛果》
http://fb.com/appledailyent