教育局早前收緊中學歷史課本的內容審查，要求修改「香港在中國南方」、「中國堅持收回香港主權」寫法，教育局局長楊潤雄在立法會解畫但未能釋疑，藝人鄭中基上月已在fb狠批「教育局長嚟講一蟹臭過一蟹」，表明會靠自己教授子女「真歷史」。近日出現粵語是否香港人母語的「討論」，楊潤雄解釋時拒清楚表述立場，鄭中基今日再在fb發炮，認為此問題沒有爭拗餘地，「你細個阿媽點教你講說話？你依家係點樣諗嘢？用咩語言邏輯？」

鄭中基在fb反問：「點解連母語係咩都要問人？仲要問個講國語嘅人，你唔好問個西人？你點樣做教育局長？你辭職啦！」他又落hashtag「#我都問咗個賣牛雜嘅學者佢話大家個母語係廣東話喎」。

另外，一向敢言的藝人杜汶澤昨晚亦在fb就事件表態，「教育局你噏乜X啫？其實如果粵語唔係你嘅母語，咁我X你老母你都唔知我講乜啦！」

育有一子一女的鄭中基近年不時公開批評香港教育，上月回應審查教科書事件時，他透過助手回覆稱「第啲嘢都可以唔出聲，但關係到自己小朋友就唔得！另外都希望啲家長要小心謹慎」。2016年，時任局長吳克儉稱若「家長唔滿意學校操TSA，大可以唔去讀同轉校」，言論引起公憤，鄭中基當時亦在fb狠批吳，直斥「唔得掂（吳克儉）你個X樣係得嘅！」並反問吳：「咩教育局長會教家長咁做？家長們不滿你唔理，投訴你唔理，差不多跪求你取消你唔理，仲喺度講風涼說話？」